hmmm… 咁講啦，物化女性，在一些文化係真係將女人當財產咁賣。而呢樣野，在我地文化入面仲留住好多痕跡。將女性物化，唔單止令我地唔認為女性有自主意識，仲會鼓勵針對女性既暴力。

而男人在大部分情況之下，都唔會受到同樣既傷害呀。。。

而男人大部分時間唔會因為被物化同被性化，係因為個社會制度同結構好長一段時間都係由男性主導，亦都係維護男性既制度架嘛。咁男人被物化，最多咪俾人笑下囉，但未去到會俾你老豆同呀哥「榮耀處決」掛？

歷史上都有男人被性化架。例如美國既黑奴，咪當時被描繪為特別有性慾。原因係黑奴既後代都係黑奴，奴隸主於是鼓勵黑奴性交生仔，之後就拎個仔去賣。後來呢個「黑人性慾強」既形象咪引起白人好恐懼，唔想俾佢地搞到白人女仔，於是好長一段時間美國都係禁止種族通婚。而到今日我地都仲有個印象係黑人性慾特別強，其實係好根深蒂固既種族主義呀。

咁於是，講「物化」，就要講埋呢埋context囉。而俾人話物化女性，咪了解下點解，而唔係起晒鋼要defend 乜野囉。其實我地大家都有份造個環境出黎架嘛，咁批評個問題既時間，放埋自己在個問題入面，都冇咩大不了啫